«O'ZSUVLOYIHA» АЖ БОШ ДИРЕКТОР ЛАВОЗИМИГА ТАНЛОВ ЭЪЛОН ҚИЛАДИ
«O'ZSUVLOYIHA» акциядорлик жамияти Жамиятнинг Бош директори лавозимига танлов эълон қилади. Танловда иштирок этиш учун Ўзбекистон Республикаси фуқаролари ҳамда ушбу танловда қатнашиш истагини билдирган хорижий давлатлар фуқаролари таклиф этилади.
Танлов «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Ўзбекистон Республикаси Қонунига, Ўзбекистон Республикаси Президентининг 24.04.2015 йилдаги “Акциядорлик жамиятларида замонавий корпоратив бошқарув услубларини жорий этиш чора-тадбирлари тўғрисида”ги ПФ-4720-сон Фармонига, Жамият Уставига ва «O'ZSUVLOYIHA» акциядорлик жамияти ижроия органининг раҳбарини танлаш тўғрисидаги Регламентга мувофиқ амалга оширилади.
НОМЗОДЛАРГА АСОСИЙ ТАЛАБЛАР:
Маълумотга бўлган талаблар:
- Ўзбекистон Республикасининг олий ўқув юртларида ёхуд хорижий давлатларнинг таълим масканларида олинган ва Ўзбекистон Республикаси қонунчилигига мувофиқ Ўзбекистон Республикасида эътироф этиладиган муҳандис-гидротехник, муҳандис-механик, сув хўжалиги қурилиши бўйича муҳандис-иқтисодчи мутахассисликлари бўйича олий маълумотнинг мавжудлиги.
Малакавий талаблар:
- сув хўжалиги тармоғи тизимида камида 5 йиллик иш стажи;
- Жамият фаолияти соҳасидаги раҳбарлик лавозимларида ишлаш тажрибаси камида 5 йил;
- ёши 30 дан ошганлиги;
- лойиҳа-қидирув ишларини яхшилаш ва арзонлаштириш бўйича ишларни ташкил этиш, сув хўжалиги объектларини лойиҳалаштиришнинг илғор услубларини жорий этиш, лойиҳа-смета ҳужжатларини ишлаб чиқиш харажатларини камайтириш ва унинг сифатини ошириш бўйича ишларни ташкил этиш қобилиятига эгалиги;
- сув хўжалиги қурилиши объектларини лойиҳалаштиришда истиқбол ва жорий режаларни ишлаб чиқиш қобилиятига эгалиги;
- манзил рўйхатларида кўзда тутилган ишларнинг бажарилишини таъминлаш ва сув хўжалиги қурилиши объектларининг лойиҳа-смета ҳужжатларини ишлаб чиқиш муддатларини қисқартириш қобилиятига эгалиги;
- буюртмачилар ва пудрат ташкилотлари билан тузилган шартномалар бўйича банк амалиётларини расмийлаштиришни ташкил этиш ва объектларнинг лойиҳа-смета ҳужжатларини ишлаб чиқишга доир зарур ҳужжатларни белгиланган муддатларда тақдим этилишини таъминлаш қобилиятига эгалиги;
- лойиҳа-смета ҳужжатларини қурилиш меъёрлари ва қоидаларига мувофиқ ишлаб чиқиш муддатларини ва сифатининг назорат қилинишини таъминлаш қобилиятига эгалиги;
- меҳнатни ташкил этишнинг илғор шаклларини жорий этишни ва унга бўйсунадиган бўлинмалар ходимларининг касбий-малакавий салоҳиятидан мақсадга мувофиқ фойдаланишни таъминлаш қобилиятига эгалиги.
Билиши зарур:
– мамлакат сув хўжалиги қурилишини ривожлантиришни тартибга солувчи Ўзбекистон Республикасининг қонунчилик ҳужжатлари (қурилиш меъёрлари ва қоидалари) ва иқтисодиётни ривожлантиришнинг устувор йўналишларини белгилайдиган бошқа меъёрий-ҳуқуқий ҳужжатлар;
- корпоратив бошқарув бўйича иш кўникмасига эга бўлиш;
- компьютерда ишлаш кўникмасига эга бўлиш;
- ўзбек ва рус тилларини мукаммал билиши, шунингдек хорижий тилларни билиши маъқулланади.
Танловга аризалар ушбу эълон чоп этилган кундан бошлаб 30 кун ичида қуйидаги манзил бўйича қабул қилинади: 100128, Тошкент шаҳри, Шайхонтоҳур тумани, Лабзак кўчаси, 1-А-уй.
Маълумот учун қуйидаги телефон рақамларига мурожаат қилишингиз мумкин:
241-15-04, 241-78-56, 241-48-30.
e- mail: Бу электрон манзил спамлардан химояланган. Уни куриш учун JavaScript ни ишга туширишингиз керак.
Факс +99871 241-48-30
Тел +99871 241-48-30
